Kokapena:
Distantzia: 3km (ibilbide osoak)
Iraupena: 2 ordu
Zailtasun- maila: erraza
Non aparkatu: bide bazterrean
Ibilbidearen nondik norakoa:
Kontxa auzoa eta Lanestosa lotzen dituen
errepidetik joanda, Alto de Ubal portura iritsiko zara (641 metroko altuera,
punturik garaiena). Momentu batean, "Ventana de Relux" adierazten
duen desbideratzea hartu behar da, justu eskuin aldean geratzen dena. Ez dago
oso ondo adierazita, egurrezko seinalea oso txikia baita. Beraz, adi egon!
Bidexka horretatik zuzen jarraitu behar
duzu, zementuzko pistaren bukaerara iritsi arte, bertan Monrealeseko abere-etxolarekin topo
egingo duzu.
Autoa bide bazterrean utzi beharko duzu,
ez dago beste aukerarik.
Hormigoizko pistaren amaiera abiapuntutzat
hartuta, ezker aldean geratzen den metalezko hesia zeharkatu behar da. Hortik
harrizko bide bat topatuko duzu, zelai zabal batzutaraino eramango zaituena.
Zelai horien bukaeran, seinale bat
topatuko duzu, ezkerretik jarraitu behar duzula adierazten dizuna. Puntu
honetatik aurrera paisaia zeharo aldatzen da, kareharriz beteriko zonaldean
sartuko zara. Ezkerretara begiratuz gero, zenbait gailurrek atentzioa deituko dizute, ziur nago.
Zuzen jarraitu bideari, ez dago galtzeko aukerarik.
700 metro baino
gehiagoko altueran zaudela, aurrez aurre harrizko arkua topatuko duzu. Ez duzu
ikusiko bere aurrean egon arte, zulo batean sartuta baitago. Kontuz, ez
hurbildu amildegira!! Putreen konpainiarekin, leiho honek eskaintzen dizkizun ikuspegi ederraz gozatuko duzu: Riancho
herria eta urrunean itsasoa. Bizkaiaren eta Kantabriaren arteko mugan dago Ventana
de Relux.
Paisaiaz gozatu ondoren, itzuli beharra dago. Horretarako, bide berbera egingo dugu.
Egin atzera